Betri líðan á breytingaskeiði (nú á 50% kynningarverði)

Hormónabreytingar í tengslum við breytingarskeiðið og tíðarhvörf geta haft ýmis einkenni í för með sér. Einkennin geta haft mikil áhrif á líðan kvenna, en algengustu einkennin eru svitakóf, nætursviti, svefnvandamál og þyngdaraukning. Einnig finna margar konur fyrir þvagleka og þurrki í leggöngum á þessu skeiði lífsins og aukin hætta er á beinþynningu. Það hefur sýnt sig að hreyfing og minniháttar lífstílsbreytingar geta bætt lífsgæðin og haft jákvæð áhrif á einkennin. 

Námskeiðið er 6 vikur og fer fram á netinu. Á hverjum sunnudegi opnast fyrir fræðslu og verkefni vikunnar og hver vika hefur sitt þema. Það er hægt að fylgja námskeiðinu jafnóðum en einnig hægt að gera það á sínum hraða þar sem eilífðaraðgangur að efninu fylgir með.

Meginmarkið námskeiðsins: Að konum líði betur í eigin skinni yfir þetta tímabil (og áfram) og skilji betur hvernig líkaminn virkar og geti unnið með það.

Námskeiðið hentar fyrir konur á breytingaskeiðinu og þær sem hafa farið í gegnum tíðarhvörf sem vilja bæta inn eða viðhalda hreyfingu og heilbrigðum lífstíl og hafa þannig áhrif á einkenni breytingaskeiðsins. 


Innifalið í námskeiðinu

  • Fræðsla um hreyfingu og breytingarskeiðið
  • Fræðsla um grindarbotninn
  • Leiðbeiningar með grindarbotnsæfingar
  • Fjölbreyttar æfingar fyrir öll getustig
  • Æfingadagbók
  • Stuðningshópur á Facebook 

Námskeiðið hefst sunnudaginn 12. febrúar 2023