Grindarbotnsæfingar 101
Hefur þér verið ráðlagt að gera grindarbotnsæfingar en þú aldrei almennilega vitað hvernig þú átt að framkvæma?
Vandamál tengd grindarbotni geta verið þvag- eða hægðaleki, blöðru-, leg eða endaþarmssig, verkir eða ofspenna.
Fyrir öll þessi vandamál skiptir mestu máli að grindarbotninn okkar virki vel þ.e. að hann spennist vel upp en slaki svo á þess á milli. Þetta krefst góðrar líkamsvitundar en grindarbotnsvöðvarnir sem staðsettir eru inni í mjaðmagrindinni sjást ekki hreyfast utan frá - nema mjög vel sé að gáð!
Ef þig langar að læra betur hvernig þú spennir og slakar á grindarbotninum, þá eru hér leiðbeiningar um það hvernig sé best að byrja.
